Ditën e sotme është regjistruar një incident gjatë ndeshjes së Futbollit, Delvina-Albpetrol të zhvilluar në stadiumin “Panajot Pano” në Delvinë.
Mësohet se një person i ndodhur jashtë stadiumit, ka goditur me gurë, në drejtim të njërit prej asistentëve të arbitrit.
Si pasojë shtetasi E. P, është dëmtuar në kokë dhe është transportuar në Spitalin e Sarandës, jashtë rrezikut për jetën.
Pas ngjarjes, policia ka mundur të identifikojë autorin dhe e ka shpallur në kërkim.
