Një ditë më parë tre zyrtarë të Bashkisë së Sarandës dhe Kadastrës ranë në pranga.
Drejtori i Urbanisitikës pranë bashkisë Sarandë, një noter dhe një juriste u arrestuan me urdhër të Prokurorisë. Me urdhër të kësaj të fundit, është bërë edhe sekuestrimi i 10.320 m2 tokë në Turizëm-Kanal i Çukës Sarandë, në afërsi të vijës bregdetare.
Dyshohet se të përfshirë në dosje janë nënpunës shtetërorë dhe biznesmenë.
Njoftimi:
Prokuroria pranë Gjykatës së Shkallës së Parë Sarandë, në kuader të procedimit penal Nr. 605 të vitit 2020, pas zbatimit të urdhërave të ndalimit, ka kërkuar në Gjykatën e Rrethit Gjyqesor Sarandë caktimin e masës së sekuestros preventive në lidhje me pasuritë objekt hetimi, të cilat dyshohet se jane regjistruar në Agjensinë Shtetërore të Kadastrës Sarandë mbi bazën e dokumentave të falsifikuara.
Gjykata e Rrethit Gjyqesor Sarandë me vendimin Nr.50 dt. 02.06.2022, ka vendosur caktimin e masës së sekuestros preventive për një siperfaqe toke prej 10 230 m2, ndodhur në Turizëm-Kanal i Çukës Sarandë, në afërsi të vijës bregdetare.