UNICEF: Mbi 7 milionë të pastrehë në Ukrainë, gjysma fëmijë

0
55

Mbi 7.1 milionë njerëz janë zhvendosur nga lufta në Ukrainë. Rreth gjysma e tyre janë fëmijë.

Pothuajse dy muaj pas fillimit të luftës në Ukrainë, situata e fëmijëve është gjithnjë e më e rëndë. Më shumë se gjysma e fëmijëve ukrainas tani janë të zhvendosur brenda vendit ose kanë ikur në vendet fqinje. Djem dhe vajza vazhdojnë të vriten, të lëndohen dhe të traumatizohen thellë nga dhuna shkatërruese që i rrethon, ata janë të tmerruar, të tronditur dhe të dëshpëruar”, tha Andrea Iacomini, zëdhënës i Unicef-it në Itali.

Sulmet me armë shpërthyese vazhdojnë në zonat e populluara urbane, duke goditur gjithnjë e më shumë shtëpitë, shkollat, spitalet, sistemet e ujit, termocentralet dhe vendet ku civilët kërkojnë strehim.

Mijëra fëmijë dhe të rinj qëndrojnë në vendstrehime dhe stacione nëntokësore, ku kushtet janë katastrofike”. “Lufta dhe shpërnguljet masive” – ​​përfundon ai – “po dëmtojnë jetesën e familjeve duke lënë shumë njerëz pa të ardhura të mjaftueshme për të përmbushur nevojat e tyre themelore dhe të paaftë për të mbajtur fëmijët e tyre“.

Shkruaj nje koment