Varfëria ekstreme është ulur këmbëkryq në Gjirokastër dikur një ndër qytetet me nivel të lartë jetese. Shembulli konkret është familja e Silvana Shemes e cila jeton së bashku me tre fëmijët e saj në varfëri të plotë.
Ndonëse është shtatzënë në muajin e shtatë, ajo përpiqet me cdo mënyrë të mbijetojë dhe ushqejë tre fëmijët e saj më i vogli 1 vjec ndërsa vajza 8 vjece nuk shkon në shkollë se nuk mundet të përballojë ekonomikisht blerjen e librave apo të ushqehet dhe vishet si gjithë bashkëmoshatarët e saj në klasë.
Bashkëshorti i Silvanës, ka braktisur familjen në rrethana të paqarta dhe barrën e mbajtjes gjallë të tre fëmijëve e përballon vetë kryefamiljarja.
