Ndërtimi i tetë HEC-eve në lumenjtë e Kardhiqit dhe Zhulatit, po sensibilizojnë gjerësisht opinionin publik në Gjirokastër. PD përmes nënkryetarit të saj Beqir Gjika, ka dënuar ndërtimin e këtyre HEC-eve që nuk janë gjë tjetër vecse afera korruptive.
Në një prononcim për Jugunews.net zoti Gjika, shprehet me tone kritike për këtë masakër të paralajmëruar duke bërë aludime në përfshirjen e mundshme të oligarkëve me pushtetin në dëm të interesave të komunitetit.
Ndërtimi hipotetik i këtyre HEC-eve, do të shteronte një herë e përgjithmonë ujërat sipërfaqësorë dhe nëntokësorë të 10 fshatrave të Njësisë Administrative Cepo. Jo vetëm kaq, por shfrytëzimi pa kriter i tyre, do të zhdukte cdo gjallesë në lumenj dhe lënë djerrë tokat përreth dhe sipër tyre. Firmat që do të investonin në to janë Taronina SH.P.K, Blue Woter, Sufer, ETT Group, DEA Hydropower.
