Ish deputeti i PD për Qarkun e Gjirokastrës Tritan Shehu ka mbështetur tubimin e sotëm paqësor në qendër të qytetit të Këlcyrës. Ai është bashkuar me shqetësimin e banorëve që preken nga shembja e 30 objekteve.
Para banorëve zoti Shehu dënoi mungesën e transparencës nga ana e Bashkisë së Këlcyrës për këtë projekt tërësisht abuziv. Sërish zoti Shehu e ka paralelizuar këtë protestë me atë të Astirit në kryeqytet dhe u ka shprehur mbështetjen e tij dhe të PD banorëve që preken nga projekti disa milionë euro.
