Përfshirja e të rinjve në procesin e integrimit në BE.
Ka qenë ky fokusi i dialogut zhvilluar sot në qytetin e Gjirokastrës mes përfaqësuesve të delegacionit të BE, amabasadorëve të shteteve anëtare të BE në Shqipëri, si dhe organizatave të shoqërisë civile të këtij qyteti. Ky takim u zhvillua në gjimnazin “Asim Zeneli” mes nxënësve të viteve të II dhe III në kuadër të Javës Europiane.
Loena Bakuli përgjegjëse e Zyrës së Koordinimit të Integrimit Europian dhe Ndihmës së huaj tha për mediat se përfshirja e të rinjve në BE, ka si qëllim tu mësojë atyre mbi integrimin europian, benefitet pas hapjes së negociatave për integrimin në BE.
Nga ana tjetër konsulli i Greqisë në Gjirokastër, Llambros Kakisis tha se ky dialog vjen si një pjesë e disa aktiviteteve që organizohen në Shqipëri në kuadër të Javës së Europës financuar nga BE.
