Kandidatët për deputetë të PD në Gjirokastër Fatjona Dhimitri, Kosta Barka e Mimoza Como, kanë përshëndetur demokratët gjirokastritë dhe liderin Basha gjatë tubimit të sotëm përmbyllës të PD që u organizua në sheshin e lagjes 18 Shtatori.
Në fjalimet e tyre përshëndetëse, Dhimitri, Barka e Como, vlerësuan lidershipin e PD për të marrë në dorë fatet e Shqipërisë, të asaj Shqipërie që vuan nga keqqeverisja 4 vjecare.
Me Lulzim Bashën kryeministër, vendi do t’i rikthehet normalitetit të munguar në katër vitet e fundit.
Reformat e Ramës dhe Rilindjes, kanë qëlluar të dështuara dhe aspak në favor të shqiptarëve, por të një grushti oligarkësh që kanë menduar për pasurimin e tyre me suportin e kryeministrit në ikje Edi Rama-janë shprehur kandidatët për deputetë Dhimitri, Barka e Como.
