Policia e Gjirokastrës ka zbardhur detajet e vjedhjes me dhunë të ndodhur mëngjesin e sotëm në lagjen “Manalat” si dhe ka gjetur sendet e vjedhura.
Në pranga ka rënë 29 vjeçari Arbland Demçaj nga Gjirokastra.
Detajet e ngjarjes.
Një person I maskuar ka hyrë në në banesën e 67 vjeçarit Astrit Çeribashi duke i vjedhur me dhunë dy telefona, disa bizhuteri dhe 10 mijë lekë të reja.
Në banesë ndodhej edhe e shoqja L. Çeribashi, 58 vjeç. Autori I grabitjes është konfliktuar me të zotët e shtëpisë.
Blutë e Gjirokastrës kanë mundur të ndalojnë autorin duke i sekuestruar në cilësinë e provës materiale dy telefona Samsung, disa bizhuteri, një varëse e një unazë, ndërsa sasinë e lekëve prej 10.000 lekësh autori e kish shpenzuar në lojëra fati.
Çështja i ka kaluar prokurorisë së Gjirokastrës ndërsa 29 vjeçari grabitës rrezikon nga 5 deri në 15 vjet burg.
