Zero siguri ushqimore instancat nuk marrin masa

0
47

Prej kohësh rrugët dhe trotuaret e qytetit të Gjirokastrës mbushen nga shitës të produkteve të ndryshme veçanërisht ato të bulmetit .Shishet e qumështit ,gjalpi apo djathi ekspozohet lehtësisht në trotuaret e qendrës së qytetit ,18 Shtatori . Pavarësisht temperaturave të larta ,diellit dhe pluhurit që vjen prej rrugës ,shitja e këtyre produkteve vazhdon pa asnjë farë kontrolli nga instancat.Veç kësaj shpeshherë krahas tregtarëve të bulmetit rreshtohen edhe tregtarë të rastit që shesin mish peshk apo fruta e perime. Mungesa e një tregu të përshtatshëm i detyron tregtarët të shesin në të tilla kushte . “As unë nuk dua ta shes mallin tim këtu por s’kam rrugë tjetër.Vij nga fshati dua të nxjerrë ditën .Këtu më jepet hapësira këtu tregtoj.Deri më tani nuk më ka shqetësuar njeri ,nuk kam pas ndonjë kontroll.Qumështi ka raste që nuk është shitur brenda ditës edhe është prishur .Verës është situata më ndryshe ndërsa tani temperaturat janë të ulëta”-shprehet një tregtarë.

“A kam mundësi tjetër ? Do shes ku të dali ,nuk kthehem asnjëherë në fshat pa shitur shishen e fundit .Ne vetë e dimë rrezikun që vjen nga qëndrimi në diell ndaj mundohemi ta heqim shpejt në mëngjes.” -thotë një shitës tjetër. Ndërsa për sa i përket banorëve të qytetit dhe pse e dinë rrezikun ata nuk ngurrojnë të blejnë.

“Blejmë rrallë ,thonë është i freskët e marrim.Më së shumti e marrim në markete .Kemi patur raste plot kemi blerë dhe ka qenë qumësht i prishur .Nga temperaturat e larta.Ata vijnë në orën 6:00 të mëngjesit e ikin në 14:00 të drekës .E bëjnë qumështin kos kur i thonë”-thotë një qytetar. ” Siguri ushqimore tek ne nuk ka .As do ketë ndonjëherë ,marrim i përzgjedhim po prapë të pasigurtë jemi.Shteti s ka marrë ndonjë masë ky problem ka kohë.Po çdo ditë shtohen më shumë këta që shesin në rrugë ,i lënë aty mes pluhurit dhe në diell.”- thotë një qytetar tjetër. Mungesa e kontrolleve i rrezikon gjithnjë e më shumë konsumatorët ,e ndërsa siguria ushqimore është zero instancat nuk marrim asnjë masë

Shkruaj nje koment