Një sipërfaqe toke me kullota e përdorur nga banorët për bagëtitë e imëta është shkrumbuar nga flakët paraditen e sotme në Gjirokastër.
Ngjarja është regjistruar ne fshatin Asim Zenel të bashkisë Gjirokastër.
Dyshohet se zjarri është i qëllimshëm pasi në fillim janë djegur disa mbeturina që kanë qenë të hedhura aty duke qenë se toka është e thatë dhe më pas është ndezur një zjarr masiv.
Zjarri është favorizuar edhe nga temperaturat e larta duke u përhapur me shpejtësi dhe duke djegur një sipërfaqe të konsiderueshme toke.
Në vendin e ngjarjes kanë mbërritur zjarrfikësit të cilët po punojnë për neutralizimin dhe shuarjen e flakëve.
